Mòstra virtuala Occitan, Occitania 13/22 OC

13/22 OC
 Seleccionar la lenga

 

 

 

                            La cultura occitana

 

 

           

 

   La lenga                 

 

La literatura occitana

 

 L'occitan a l'escòla

Cants,  gastronomia, 

jòcs occitans e quiz

 

La Poësia

 

 

Per sa riquesa e sa vitalitat, la poësia occitana s'amerita que se li consacre un capitol. Avèm causit de la vos faire descobrir al travèrs d’una personalitat fòra del comun, Renat Nèlli,  tan plan poèta, filosòf, istorian coma etnològue. Lo titol de la mòstra que li consacrèt lo Grop Audenc de Recèrca e d’Animacion Etnographica (GARAE) en 2011, èra un vertadièr convit a descobrir l'òme dins tota sa complexitat : « René Nelli ou la poésie des carrefours ».

 

 

Retrait de Renat Nèlli (A.D. Aude, 10 JJ 15)

 

 

Renat Nèlli es nascut à Carcassona lo 20 de febrièr de 1906. Aprèp unes brilhants estudis de letras a París puèi de filosofia a Tolosa, òbra dins l’ensenhament e la recèrca. En 1923, rescontra Joë Bosquet, escrivan carcassonés e ne ven l'amic. En 1928, los dos fondèron l'efemèra revista literària Chantiers. Mai tard, pren part a l’aventura del subrerealisme e dels Cahiers du Sud. Pòrta sa contribucion al numèro especial Le génie d’oc et l’homme méditerranéen paregut en 1943. Se marida amb la poetèssa Susana Ramon en 1945 que  foguèt sa mai pròcha collaboratritz.

 

En 1947, es nommat conservator del Musèu de las Bèlas-Arts de Carcassona e se vei fisar a la facultat  de las Letras de Tolosa un cors d’etnografia. Son òbra pòrta testimòni de l'ample de sas coneissenças, d'una curiositat insadolabla e de sa quista apassionada d'esperitualitat.

Long de la vida, Renat Nèlli faguèt de l’espaci occitan un de sos tèmas de recèrca de predileccion. En 1945, foguèt del nombre dels membres fondadors de l’Institut d’Estudis Occitans (I.E.O.) a Tolosa als costats de Renat Soula, Joan Cassou, Max Roqueta o encara Tristan Tzara.

L'Institut a per tòca lo manten e lo devolopament de la lenga e de la cultura occitanas dins lor ensemble.

 

Mercé a unes nombroses obratges,  lo poèta s'esforcèt de faire descobrir al mai grand nombre lo patrimòni occitan. I capitèt a fèt, en publicant principalament en 1960-1965 :

- Les troubadours. Le trésor poétique de l’Occitanie. Antologia en dos volumes establida amb son amic René Lavaud

Sa tèsi de doctorat es tanben particulièrament remarcada : « L’Erotique des troubadours ». Foguèt presentada a la facultat  de las letras de Tolosa puèi publicada en 1963. Dins aquesta tèsa, analisa l’evolucion de « l’amor provençal », de « l’amor cavalieresc » a « l’amor cortés ».

Los escrits poetics de Renat Nèlli son potents e originals. Posan l'inspiracion tan plan dins los cançonièrs medievals coma dins las òbras subrerealistas. Es possible de n’aver un apercebut dins Òbra poetica occitana publicada per l’I.E.O. en 1981. L'obratge recampa la maja part dels poèmas en occitan de Renat Nèlli.

 

Vaquí un poèma titolat  Montségur. Fa referéncia al nom que pòrta l’ancian castèl catar bastit en 1206 en Arièja.

 

 

Poèma Montségur tirat d' Eros de feu et de cendre. Poèmas en lenga d'òc amb revirada francesa. 

Manescrit original de Renat Nèlli, 1926-1979 (A.D., 10 JJ 2/44)

 

 

Se moriguèt lo 11 de març de 1982 a Carcassona. Son ostal, que se trapa dins lo  quartièr del Palais a Carcassona, atal coma sa rica bibliotèca, son estat legats per son esposa al Conselh general d’Aude.

 

 

RETORN

 

Rubrique: